Inflacioni në zonën e euros ra për të tretin muaj radhazi në janar, pas reduktimit të kostove të energjisë.
Inflacioni në janar rezultoi 8.5%, shumë më ulët nga se ishte parashikuar. Në dhjetor, ai ishte 9.2%.
Energjia ishte faktori kryesor i saj përsëri, por me rënie të dallueshme. Çmimet e energjisë ranë në rreth 17.2% në janar, nga 25.5% në dhjetor. Megjithatë, kostot e ushqimit u rritën pak nga 13.8% në dhjetor në 14.1% në janar.
Rajoni me 20 anëtarë ka pësuar rritje të konsiderueshme të çmimeve në vitin 2022, pasi pushtimi rus i Ukrainës rriti kostot e energjisë dhe ushqimit në të gjithë bllokun. Megjithatë, të dhënat e fundit japin dëshmi të mëtejshme se inflacioni ka filluar të zbutet.
Treguesi ekonomik po vëzhgohet nga afër përpara një vendimi të ri për normën e interesit që do të dalë të enjten nga Banka Qendrore Europiane. Inflacioni më i lartë e ka bërë BQE-në të rrisë normat katër herë në vitin 2022 dhe pritjet e tregut tregojnë për të paktën dy rritje të tjera të ardhshme./CNBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.