.png)
Indeksi i Buzëkuqit është rikthyer.
Termi u fut për herë të parë gjatë recesionit të vitit 2001, nga Leonard Lauder, kreu i kompanisë së produkteve kozmetike, Estee Lauder. Ai vuri re se shitja e buzëkuqëve u rrit gjatë vjeshtës së atij viti, duke treguar se gratë që po përjetojnë pasiguri ekonomike, i drejtohen produkteve të bukurisë si mënyrë e përballueshme për të trajtuar veten.
Pastaj, kriza financiare 2008-2009 krijoi Indeksin e Fondatinës, (kremit pudër) pasi gratë kishin më me rëndësi një lëkurë të bukur se sa një buzë perfekte.
Këtë herë prisni Indeksin e Parfumit ose të Flokëve të Fryra. Parfumi dhe produktet e flokëve reflektojnë më shpejt zhvendosjen e konsumit nga blerjet ekstravagante tek ato më të lira, sidomos pas pandemisë.
Shitjet e makeup-eve nuk kanë të ndalur. Maskat janë hequr dhe janë vendosur buzëkuqët, në Europë dhe SHBA, në dyqanet e thjeshta dhe ato premium.
Indeksi i Buzëkuqit
Buzëkuqi është ndër kategoritë më të preferura të kozmetikës. Por ajo nuk ka vetëm buzëkuqin. Estetika e “vajzës së pastër natyralë”, që karakterizohet nga lëkura e shkëlqyeshme, ka rritur interesin për lloje të reja, njësoj si dhe estetika dramatike, me penel sysh plot ngjyra dhe gurë, si në serialin televiziv “Euphoria”.
Rihapja po rrit kërkesën për makeup
Shumë konsumatorë i lanë mënjanë çantat e tyre të make up-it gjatë qëndrimit në shtëpi nga Covid, siç bënë me flokët dhe garderobën. Kujdesi ndaj lëkurës që i kishte marrë vendin make up-it me kohë, u bë edhe më i rëndësishëm. Por stafeta e bukurisë po i kalon kozmetikës me ngjyra.
Shkëlqimi i pushimeve
Parashikimet ekonomike kanë një rol. Përpos rënies së besimit të konsumatorëve, shitjet janë rritur. Bukuria është më pak e prekur nga kostot e rritura. Përveç paketimit, energjia ka shumë pak ndikim në prodhimin e make up-eve. Ato zënë shumë pak hapësirë në kontejnerët e transportimit. Në një vit, çmimet e tyre u rritën me vetëm 2%, krahasuar me inflacionin 10.9% në SHBA.
Kjo e bën “të bukurën” një luks më të aksesueshëm. Dhe pse shumë po blejnë buzëkuqe, të tjerë po i drejtohen parfumeve.
“Ne e quajmë Indeksi i Parfumit ose Efekti i Parfumit”, -tha Sue Nabi, shefja e kompanisë Coty Inc.
Kompania nuk ka shenja të rënies së blerjeve. Në fakt, konsumatorët po kërkojnë gjithnjë e më shumë lloje të reja aromash.
Nuhas shpirt të ri
Shitjet e parfumit arritën rekorde vitin e shkuar, por masat e rikthyera në Kinë, zhvendosën fokusin në kujdesin e lëkurës.
Kërkesa po ndihmohet nga fakti se konsumatorët blenë parfume online gjatë pandemisë. Gjigandët e aromave kishin filluar të zhvendosnin marketingun e tyre drejt aromave artizanale dhe atyre të personalizuara, shumë të pëlqyeshme nga mileniumi dhe Gen Z, tridhjetë e ca vjeçarët dhe njëzet e ca vjeçarët. Aroma u bë e rëndësishme për qëndrimin në shtëpi të tyre.
Por ndryshe nga kërkesa për kremrat dhe maskat për fytyrën, rihapja ka qenë e mirë për shitjet e aromave. Më pak njerëz kanë më kohë për një rutinë lëkure me 10 hapa, por ka më shumë arsye për të rimbushur parfumin ndërsa kthehemi në punë dhe nëpër festa. Po shihen edhe ndryshime në shije. Për shembull, ndërsa shitjet e aromave për meshkuj në Europë u rritën me 21% nga viti në vit midis janarit dhe korrikut, kremi i pas rruajtjes pati rënie.
Atletet dhe veshjet “e rrugës” morën në dorë tregun për pak kohë, inflacioni e ndaloi këtë trend dhe po ringjall rolin e parfumeve. Nuk përballon dot një çantë Prada? Po sikur të blesh parfumin e ri të saj?
Prisni që këto tendenca të vazhdojnë ndërsa sektori i udhëtimeve rimëkëmbet më tej, pushimet e dimrit forcojnë shitjet e dhuratave dhe konsumatorët kinezë blejnë më shumë aroma.
Flokët sot
Kujdesi ndaj flokëve ka pasur një stimul të madh nga mediat sociale. Ka pafund video në TikTok që të tregojnë si të bësh flokët me onde deti dhe të presësh baluket si “perde”. Ylli i pavdekshëm i TikTok është Dyson Airwrap. Por një mjet 500 dollarë nuk është i përballueshëm. Një shishe 30 dollarë me vajin Olaplex, është. Shitjet e Olaplex u rritën me 40% gjatë tremujorit të dytë. Një tjetër detaj, është ai i lyerjes së flokëve në shtëpi.
Rrjetet sociale luajnë një rol të madh në përcaktimin se cilat kategori përfitojnë nga efekti i buzëkuqit. Kjo paraqet një sfidë për prodhuesit dhe shitësit e kozmetikës, sepse nëse një produkt bëhet viral, ata mund të përballen me një rritje të papritur të kërkesës. Merrni buzëkuqin të Clinique, në mjaltë të zi. Nuanca u linçua në vitin 1971, por u bë një sensacion në TikTok vitin e kaluar, duke bërë që kërkesa të tejkalojë ofertën.
Por për bukurinë e nivelit të lartë, kjo nuk mund të jetë gjë e keqe. Ashtu si në industrinë e luksit, ndonjëherë mungesa është pikërisht ajo që nevojitet për t'i çuar konsumatorët në ekstreme dhe Indeksi i Buzëkuqit të rritet./Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
