.png)
Gazeta Si – Incident i frikshëm në garën e Katalonjës në Moto GP. Frikë për kampionin Françesko Banjaia në nisje të garës, pas kthesave të para.
Piloti lider i Botërorit është përfshirë në një incident. Italiani ishte viktimë e një përplasjeje, është rërzuar në pistë, ku KTM i Bred Binder i ka kaluar sipër këmbës së djathtë, pasi nuk mundi ta evitonte dot në atë moment.
Menjëherë flamuri i kuq dhe gara e ndërprerë, jo vetëm për incidentin e Banjaias, por edhe për rrëzimin e shumëfishtë që erdhi më pas, ku u përfshinë Dukatit e Aleks Markez, Bastianini, Zarko, Di Xhanantonio dhe Bexeki.
Për fat të mirë, Banjaia ishte i ndërgjegjshëm dhe u transportua në qendrën mjekësore për të bërë kontrollet e para. Pas rinisjes, Binder u tërhoq për probleme teknike dhe menjëherë vrapoi drejt spitalit për të parë nga afër gjendjen e Banjaias.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
