.png)
Gazeta Si - Gjykata e Posaçme rrëzon kërkesën e ish-ministrit të Mjeisit Lefter Koka, i arrestuar për shpërdorim detyre për çështjen e inceneratorëve, ku ka kërkuar bashkim të dosjeve për të cilat po gjykohet.
Avokati i ish-ministrit Lefter Koka kërkoi më herët gjatë seancës paraprake që të bashkohen dosjet e çështjeve të inceneratorit të Fierit dhe Elbasanit, por GJKKO refuzoi.
Ndaj ish ministrit Koka janë lëshuar dy masa sigurie “arrest në burg” për dy aferat e inceneratorëve në fjalë.
Sipas avokatit, u kërkua të bashkohet gjykimi nën argumentimin se çështjet janë në të njëjtën fazë dhe pothuajse janë të njëjtët të pandehur. Ndërkohë që seanca për inceneratorin e Fierit, u shty për në datën 1 shkurt.
Sipas SPAK, Koka ka lejuar përfitime të padrejta nga ana e pronarëve të kontratës së koncesionit, e cila u lidh përmes procedurës së negocimit të drejtpërdrejtë pa shpallje nën justifikimin e gjendjes së jashtëzakonshme.
Gjithashtu, SPAK argumentoi se Koka në cilësinë e ish-ministrit të Mjedisit, ka kërkuar, ka pranuar dhe ka marrë nga shoqëritë tregtare përfitime të parregullta monetare në mënyrë të tërthortë, nëpërmjet krijimit të një skeme fiktive për kryerjen e punimeve në shoqërinë konçensionare, duke përdorur disa shoqëri tregtare të tjera të kontrolluara prej tij apo familjarëve.
Aktualisht, në pritje të përfundimit të hetimeve, ku nodhet në paraburgimin e Durrësit ish-deputeti socialist Alqi Bllako, i cili akuzohet po ashtu për të dy inceneratorët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
