.png)
Gazeta Si – Pas largimit nga Lacio, ku bëri emër si drejtor sportiv për shumë vjet, duke u vlerësuar me disa çmime, Igli Tare ka marrë pak kohë pushim. Në pritje për të vendosur për të ardhmen, ish-kapiteni i Kombëtares ishte i pranishëm në ‘Air Albania’ mbrëmjen e së martës për të ndjekur ndeshjen e Partizanit me Bate Borisov në Champions.
Emri i Tares në fakt është përmendur kohët e fundit te Partizani, kur ky klub bëri një riorganizim, duke ndryshuar trajnerin dhe drejtorin sportiv. Prania e ish-sulmuesit në stadium tregon qartë afrimitetin që ai ka me këtë ekip, ku ka luajtur më parë.
Megjithatë, nuk mund të flitet për një detyrë që Tare mund të marrë te Partizani. Ai mund ta ndihmojë Partizanin si konsulent i jashtëm, pasi është e qartë se ka ende shumë për të dhënë në futbollin europian si drejtues, ku kërkesat nuk i mungojnë.
Ndoshta në një të ardhme më të largët Igli Tare mund t’i shërbejë Partizanit, apo edhe Federatës Shqiptare të Futbollit dhe Kombëtares.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
