.png)
Gazeta Si - Trajneri Jane Anderson ka vendosur ta grumbullojë sulmuesin veteran të Milanit për ndeshjet kualifikuese ndaj Belgjikës dhe Azerbajxhanit.
Zllatan Ibrahimoviç kthehet në kombëtaren e Suedisë në moshën 41-vjeçare. Pas deklratave të ditëve të fundit, sot trajneri Anderson ka zyrtarizuar vendimin për të thirrur sulmuesin për dy ndeshjet kualifikuese të Euro 2024.
Ibra, 42 vjeç tetorin e ardhshëm, u rikthye në fushë me Milanin javët e fundit, pas një rehabilitimi të gjatë për shkak të ndërhyrjes në gju verën e kaluar. Ndeshja e fundit me Suedinë për të i takon datës 29 mars 2022, ndaj Polonisë.
Ibrahimoviç numëron 121 ndeshje me Suedinë dhe 62 gola të shënuar. Pak ditë më parë, trajneri Anderson kishte thënë: "Nëse Zllatan është në formë dhe në gjendje të mirë fizike, mendoj se mund të japë ende në kombëtare, edhe pse mund të mos e nisë nga fillimi. Për personalitetin, impenjimin dhe lidershipin mund të jetë mjaft i dobishëm".
Trajneri suedez sheh tek Ibrahimoviç një rol të ngjashëm si ai që lojtari ka pasur vitet e fundit te Milani. Jo një titullar i pazëvendësueshëm, por një udhëheqës në dhomat e zhveshjes dhe burim frymëzimi për të rinjtë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
