Gazeta Si – Napoli bie në “Maradona” ndaj Lacios së Elseid Hysajt. Një gol i Matias Vesinos i ka dhënë 3 pikë të arta skuadrës së Sarrit, që ka kapur vendin e dytë, duke parakaluar për momentin Interin dhe Milanin.
Një rezultat shumë i rëndësishëm ky për Lacion në javën e 25-të të Serisë A. Lacio ka frenuar kështu arratisjen e Napolit kryesues dhe është ngjitur në kuotën e 48 pikëve.
Në pjesën e parë Hysaj me shokë ndalën manovrat e skuadrës së Spaletit. Di Lorenco shmangu golin, duke hequr topin në linjë pas një gjuajtje me kokë të Vesinos. Në të dytën Napoli goditi traversën me Osimhen. Ndeshjen e vendosi Vesino me një të djathtë të fuqishme nga jashtë zonës. Në fund një gjuajtje e lirë e Milinkoviç-Saviç u stampua aty ku bashkohen shtyllat.
Hysaj ishte titullar në këtë ndeshje për Lacion. Futbollisti i Kombëtares ka dalë fitimtar në stadiumin ku ka luajtur për disa vite me faellën e Napolit. Ai ka rigjetur formën dhe kjo është diçka pozitive në prag të ndeshjeve të Kombëtares. Edhe Amir Rrahmani luajti 90 minuta për Napolin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.