Një person ka ndërruar jetën ditën e sotme spitalin “Shefqet Ndroqi”. Ai ishte shtruar në Senatorium, teksa dyshohet se ishte prekur nga virusi AH1N1, i njohur si gripi i derrit.
Viktima është një 37-vjeçar nga Elbasani, Hasan Ekmeçiu, i cili vuante edhe nga problemet në mushkëri. Pikërisht, dyshohet se vdekja e tij ka ardhur si pasojë e një komplikacioni në mushkëri.
Ai është i dyti person nga ky qytet i prekur nga virusi i rëndë që ka ndërruar jetë në Senatoriumin e Tiranës.
Ndërkohë që ky është rasti i katërt i vdekjeve të dyshuara nga gripi, dy prej të cilave janë të konfirmuara nga ISHP.
Mjekët kanë paralajmëruar se vendi është në situatë gripale sezonale, por kjo nuk përjashton edhe përhapjen e gripit të derrit përmes rrugëve të frymëmarrjes dhe këshillojnë vazhdimisht vaksinimin, sidomos për disa grup mosha si të moshuarit dhe të sëmurët kronikë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.