Ljuis Hemilton triumfon në Çmimin e Madh të Portugalisë, përpara Maks Vershtapen dhe Valteri Botas. Holandezi e kaloi kampionin e botës në fillim të garës së Portimaos, por më pas britaniku e mposhti rivalin me të njëjtën “armë”. Është Mercedesi ende makina për t’u mundur.
Ishte një pasdite spektakolare për Ljuis Hemiltonin dhe Mercedesin. Kampionët e botës e kanë dominuar garën dhe ky është një lajm, sepse në Portimao është rishfaqur çifti i suksesshëm i sezoneve të fundit. Fituan edhe në Bahrein, por në Sakhir dhe Imola ishte dyshja Vershtapen-Red Bull që impresionoi. Këtë fundjavë nuk kishte histori, as në kualifikuese dhe as në garë.
TOP TEN (LAP 66/66)
— Formula 1 (@F1) May 2, 2021
Hamilton
Verstappen (📸)
Bottas (📸)
Perez
Norris
Leclerc
Ocon
Alonso
Ricciardo
Gasly#PortugueseGP 🇵🇹 #F1 pic.twitter.com/RumKcfs2HV
Ishte një triumf i kompletuar i Mercedesit, që ka arritur edhe xhiron më të shpejtë me Valteri Botas, i treti pas Vershtapen, që është ngushëlluar me pikët e vendit të dytë. Ka humbur një betejë piloti holandez, por jo luftën, që është shumë e gjatë. Ferrari nuk shkoi edhe aq mirë në këtë garë. Objektivi ishte për të dalë pas vendeve të para, por aty u gjend i zakonshmi Lando Norris me MekLaren. Vendi i 6-të për Leklerk dhe që mund të pranohet. Karlos Sainz ka dalë në vend të 11-të, jashtë zonës së pikëve.
Pas futjes së Safety Car në garë, Vershtapen sulmoi me rifillimin e xhiros së 7-të, duke surprizuar Hemiltonin nga jashtë. U mendua se holandezi do të sulmonte Botasin, por sot RB16B nuk ishte në nivelin e duhur. Dhe pas pak xhirosh Hemilton sulmoi dhe u rikthye në vend të dytë. Ishte xhiroja e 11-të dhe shpresat e Vershtapen u prenë praktikisht që në atë moment.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.