Garë dramatike në Silverston, me momente paniku dhe parakalime në frymën e fundit. Ka triumfuar kampioni i botës, Ljuis Hemilton, në garën e 10-të sezonale, duke rihapur kampionatin. Piloti anglez u penalizua me 10 sekonda pas incidentit që në startin e garës me Maks Vershtapen. Për Ljuis Hemilton është fitorja e 99-të në karrierë, që ai e arrin në shtëpinë e tij.
🏁 END OF RACE 🏁
— Formula 1 (@F1) July 18, 2021
TOP 10
Hamilton
Leclerc
Bottas
Norris
Ricciardo
Sainz
Alonso
Stroll
Ocon
Tsunoda #BritishGP 🇬🇧 #F1 pic.twitter.com/zqAFaG6FkC
Pas një kontakti mes dy rivalëve, makina Red Bull e holandezit është përplasur me barrierat mbrojtëse të pistës, por për fat të mirë nuk pati probleme shëndetësore për Vershtapen, që u detyrua të tërhiqet. Më pas Hemilton ka bërë një garë shumë të mirë, duke rikperuar pozicionet deri në vendin e parë.
Një garë të madhe ka bërë edhe francezi Sharl Leklerk me Ferrarin, por në xhiron e fundit ai u parakalua nga Hemilton dhe i duhet të kënaqet me vendin e dytë. Në vend të tretë ka dalë makina tjerër Mercedes e Valteri Botasit. Karlos Sainz e mbylli garën në vend të 6-të, pas dy makinave MekLaren të Norris dhe Riçardo. Pas kësaj fitorejetë Hemiltonit, kampionati bëhet edhe më interesant.
Sa i takon incicentit në fillim të garës, që nxorri jashtë loje Vershtapenin, drejtuesit e Red Bull-it kanë fajësuar Hemiltonin. “Është i gjithë faji i Hemiltonit. Falë Zotit, Vershtapen nuk pësoi dëmtime, - tha Horner për FIA-n nëpërmjet radios pas kontaktit mes makinës Red Bull dhe asaj Mercedes. – U lehtësuam kur pamë Maksin të hynte në qendrën mjekësore me këmbët e tij, por situata e incidentit është e qartë. Ljuis e di që kjo gjë nuk bëet, ishte një manovër shumë e rrezikshme", - shtoi më tej drejtuesi i Red Bull-it.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.