Lajme

Haradinaj kundër Thaçit: Kufijtë i luan vetëm lufta

Kryeministri i Kosovës, Ramush Haradinaj, i kundërpërgjigjet sërish presidentit të Kosovës, Hashim Thaçi, i cili ka paralajmëruar se me Serbinë do të diskutohet edhe mbi korrigjimin e kufijve.

Çështja e kufijve është kthyer në një luftë verbale mes udhëheqësve të Republikës së Kosovës.

I pyetur rreth kësaj, kryeministri Haradinaj ka thënë se kufijtë mund t’i luajë vetëm lufta, askush tjetër.

“Kufijtë janë vendosur me luftë, veç lufta i luan. Kush kujton se luhen kufijtë ndryshe është gabim”, ka thënë Haradinaj në një konferencë për shtyp pas mbledhjes së Qeverisë.

Sipas tij çështja e vetme që mund të diskutohet me Serbinë është njohja reciproke.


Copyright © Gazeta “Si”



Më Shumë