Pas një javë të dështuar, siç ishte ajo e Gjermanisë, Ljuis Hamilton është rikthyer në versionin e tij të zakonshëm, si fitues. Piloti anglez arriti ta fitojë garën në Hungari edhe pse duhet thënë se nuk e pati aspak të lehtë. Verstapen me Red Bullin e tij që dje kishte marrë pole postion edhe sot bëri rezistencë dhe deri në xhirot e fundit tentoi t’i prishte punë Hamiltonit.
Gjithsesi Hamilton tregoi edhe një herë tjetër aftësitë e tij dhe tashmë marshon i vetëm drejt titullin kampion numër 5 në botën e Formula 1. Gara e Hungarisë nuk ishte e mirë aq e mirë për pilotin tjetër të Mercedes, Botas, i cili nuk shkoi më shumë se sa vendi i tetë në këtë garë.
Sakaq për Ferrain edhe kjo garë mund të konsiderohet pozitive edhe pse shumë larg kreut. Gjermani, Sebastian Vetel arriti të futej në podium dhe shumë shpejt e kuptoi se nuk do mund të kërkonte me shumë nga kjo garë, kjo edhe për shkak të strategjisë perfekte të Mercedsit.
Garë pozitive edhe për Lekrek që arriti të kap një vend të 4 në këtë garë të vështirë të Hungarisë. Pas kësaj garë, i vetmi pretendim i Ferrarit është që të hap garën për konstruktorë, pasi Hamilton duket i pamposhtshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.