Hamilton djeg makinat Red Bull në Imola, “pole position” numër 99 për anglezin

21:25 - 17 Prill 2021

Kampioni i botës ka regjistruar sot “pole position” numër 99 në karrierë në pistën e Imolës, ku të dielën do të niset para Sergio Perez, që ka dalë para Max Verstappen. Ferrari i Charles Leclerc do të niset nga vendi i katërt.

Lewis Hamilton është gjithmonë e më afër kuotës 100: anglezi ka regjistruar kohën më të mire në Imola, duke mundur dy makinat Red Bull, edhe pse me një diferencë fare të vogël. Surpriza është që në rreshtin e parë, në krah të Hamilton nuk do të jetë Verstappen, por Sergio Perez, çka konfirmon se Red Bull ka bërë mirë që ka afruar në skuadër këtë të fundit.

4️⃣4️⃣ makes it 9️⃣9️⃣!#ImolaGP 🇮🇹 #F1 pic.twitter.com/APnamfR4qZ
— Formula 1 (@F1) April 17, 2021

Ferrari duhet të kënaqet me vendin e katërt të Leclerc, i favorizuar edhe nga fshirja e kohës së Lando Norris, pasi anglezi i McLaren ka kaluar limitin e pistës në kthesën numër 9 dhe duhet të niset nga vendi i 7-të, pas shokut të skuadrës, Riçiardo. Te Ferrari nuk ka shkuar mirë Carlos Sainz, i eliminuar në Q2. “Nuk kam bërë xhiro të mira, - ka thënë spanjolli, - kam bërë edhe një gabim në frenim në Q2. E di ku duhet të përmirësohem për të qenë i shpejtë në çdo kthesë”.

Ja si do të nisen pilotët në Çmimin e Madh të Emilia Romanjas:

Hamilton (Mercedes) 1’14”411
Perez (Red Bull) 1’14”446
Verstappen (Red Bull) 1’14”498
Leclerc (Ferrari) 1’14”740
Gasly (AlphaTauri) 1’14”790
Riçiardo (McLaren) 1’14”826
Norris (McLaren) 1’14”875
Bottas (Mercedes) 1’14”898
Ocon (Alpine) 1’15”210
Stroll (Aston Martin) 1’15”176
Sainz (Ferrari) 1’15”199
Russell (Williams) 1’15”261
Vettel (Aston Martin) 1’15”394
Latifi (Williams) 1’15”593
Alonso (Alpine) 1’15”593
Raikkonen (Alfa Romeo) 1’15”974
Giovinazzi (Alfa Romeo) 1’16”122
Schumacher (Haas) 1’16”279
Mazepin (Haas) 1’16”797
Tsunoda (AlphaTauri) s.t.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.