.png)
E gjithë Norvegjia bën tifo për Erling Haland, sulmuesin e ri të Borusia Dortmund, por më shumë se të gjithë golat e tij lumturojnë pensionistët e vendit nordik. Lojtari 19-vjeçar norvegjez e ka nisur në mënyrën më të mirë aventurën gjermane. Borusia Dortmund e bleu nga Salcburgu për 20 milionë euro dhe e paguan 8 milionë euro në sezon, por ia vlen.
Haland është përshtatur menjëherë në Gjermani, ku në dy ndeshje të luajtura si zëvendësues ka shënuar 5 gola. Ka luajtur 57 minuta dhe ka shënuar 1 gol çdo 11 minuta.
Kuotat e Borusias janë rritur në çdo drejtim. Klubi gjerman kuotohet në bursë dhe fondi shtetëror i pensionistëve në Norvegji, nga më solidët në botë, - mbi 800 miliardë kapital, - ka investuar nga viti 2018 rreth 7 milionë për të blerë 1,04% të kuotave të Borusias. Një investim, që sipas të përditshmes gjermane “Bild”, është i lidhur drejtpërdrejt me kampionin e shtëpisë, me sulmuesin Erling Haland.
Që në momentin e firmosjes së marrëveshjes së sulmuesit me klubin gjerman është vënë re një rritje prej 260 mijë eurosh në fondin e pesnionistëve në Norvegji. Nëse Haland shënon, Borusia Dortmund fiton dhe rrjedhimisht çmimi i aksioneve rritet, kështu që pensionistët norvegjëzë kanë kapital më të madh. Golat e tij tashmë nuk sjellin vetëm kënaqësi shpirtërore për pesnionistët në vendin e lindjes, por edhe financiare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
