.png)
“Neymar kthehet tek Barcellona”, njoftimi është dhënë nga profili zyrtar në Twitter i klubit blaugran e në pak kohë lajmi 'mori dhenë', por ka një shpjegim e merkato nuk hyn fare në këtë rast: Pas fitores kundër Getafe, që riktheu në krye skuadrën e Setien, të gjitha llogaritë e Barcelonës janë hakuar nga një grup i quajtur ‘OurMine’, që ka dashur të denoncojë nivelin e ulët të sigurisë së klubit në profilet e tij në rrjetet sociale. Jo vetëm Neymar, në shënjestër ka përfunduar edhe presidenti Josep María Bartomeu me hashtagun #BartomeuOut.
“Përshëndetje, jemi OurMine. Kjo është hera e dytë që e bëjmë. Niveli juaj i sigurisë është përmirësuar, por nuk është ende perfekt – është mesazhi i hackerave drejtuar Barças – Për të shtuar sigurinë e faqeve tuaja na kontaktoni”
Pas incidentit, klubi katalanas mori në dorë situatën duke fshirë gjithë postimet, por u detyrua të publikojë një komunikatë zyrtare në të cilën ka shpjeguar çfarë ndodhi dhe mbi të gjitha njoftoi se do të rishikojë të gjithë kontaktet ose lidhjet me kanalet e jashtëm, për të parandaluar që situata të tilla të ndodhin përsëri në të ardhmen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
