.png)
Mosha është thjesht një numër. Skuadra e Divizionit të tretë të Egjiptit, 6 Tetori, ka konfirmuar nënshkrimin me Ezz El-Din Bahader, një futbollist 75-vjeçar. Nëse do të zbresë në fushë, ai do të hyjë në rekordin e Librit Guinness, duke u bërë në këtë mënyrë futbollisti më i vjetër në moshë që ka luajtur me një ekip profesionist, ku rekordi mbahet nga izraeliti Isaak Hayik. Hayik ka luajtur me ekipin e kategorisë së katërt Ironi Or Yehuda në moshën 73-vjeçare, në prill të vitit të kaluar.
"Sot, Federata Egjiptiane e Futbollit ka regjistruar lojtarin më të vjetër profesionist në botë. Ai është 75-vjeçari Ezz El-Din Bahader, i cili ka nënshkruar me ekipin e 6 tetorit, që aktivizohet në divizionin e tretë, " njoftoi EFA përmes një statusi në Facebook.
Detajet e kontratës nuk bëhen ende të ditura dhe karriera e tij si futbollist është gjithashtu e paqartë. Sulmuesi japonez, Kazuyoshi Miura, 52 vjeç, vlerësohet gjerësisht si lojtari më i vjetër profesionist, i cili së fundmi rinovoi kontratën me ekipin e J-League, Yokohama FC.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
