Deputetja e PD, Grida Duma, e papozicionuar në asnjë grupim brenda PD-së, tha se ka shkëputur çdo komunikim me Lulzim Bashën, me arsyetimin se ishte ndër zërat kryesorë që kërkoi prej tij marrjen e përgjegjësisë për humbjen në zgjedhjet e pjesshme lokale të 6 marsit.
“E natyrshme se kam qenë ndër personat që kam qenë më e zëshme në marrjen e përgjegjësisë së tij (Bashës). Është e natyrshme. Nga pikëpamja njerëzore nuk doja të vendoseshim në asnjë pozitë me njerëzit që kemi bashkëpunuar. Nga pikëpamja politike jemi të detyruar të kuptojmë të vërtetat”, tha Duma në “ Debat”A2 CNN.
E pyetur nëse Berisha dhe Basha mund të jenë bashkë në terren në fushatë, Duma u përgjigj se: “Nuk shoh asnjë problem këtu për të kërkuar vota për demokratët. Basha i detyrohet demokratëve”.
E pyetur për rrugën e saj politike, Duma u përgjigj se për momentin nuk ka ambicie në PD.
“Rrugën ta mëson përpjekja, nuk ka rrugëtim politik me hartë të përcaktuar. Nuk është ky momenti për të bërë diskutime për ambicien time. Unë jam në disa detyra në PD dhe përfaqësoj opozitën sa mundem dhe besoj që e bëj mirë këtë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.