.png)
Ish i dërguari i SHBA për dialogun Kosovë-Serbi, gjatë administratës së Donald Trump, Richard Grenell deklaroi se kryeministri i Kosovës, Albin Kurti nuk e kupton se çfarë po ndodh me Kosovën.
“Komuniteti ndërkombëtar i dha atij afat deri të premten për të përmbushur detyrimet që vendi i tij kishte marrë më parë”, tha Grenell.
Nga ana tjetër, ai paralajmëron pasoja të rënda nëse Kurti nuk e bën këtë.
“Miqtë e mi në Kosovë duhet të përgatiten për pasoja të rënda”, theksoi Grenell.
Ish-i dërguari i presidentit amerikan thotë gjithashtu se “i pa pasojat” dhe se ato “nuk janë të bukura”.
Në reagimin e tij, Grenell në fakt ka komentuar pretendimet e Kurtit lidhur me kërkesat e përfaqësuesve ndërkombëtarë për zgjidhjen e krizës në veri të Kosovës.
“Nuk do të zgjidhim asgjë me presion apo sanksione. Ne jemi vendi më demokratik dhe më i avancuar në Ballkanin Perëndimor. Marrëdhëniet tona me SHBA-në dhe BE-në janë të shkëlqyera. Të dërguarit janë këtu për shkak të marrëdhënieve tona me Serbinë”, tha Kurti.
Njoftimi i Grenellit pasoi edhe vizitën e të dërguarve të SHBA-së dhe BE-së në Beograd dhe Prishtinë, të cilët me qëllim të zgjidhjes së krizës në veri të Kosovës, i kërkuan Kurtit që urgjentisht të deeskalojë krizën në veri dhe të vazhdojë më pas me zbatimin e Marrëveshjes së Ohrit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
