Gjykata e Krujës ka pranuar kërkesën për gjykim të shkurtuar të djalit të deputetit të PS, Rexhep Rraja.
Në seancën e sotme ku u pranua edhe gjykimi i shkurtuar ishte e pranishme dhe vetë Xhisiela Maloku, e cila në këtë proces ka statusin e të lënduarës.
Xhisiela mësohet se ka deklaruar para gjyqtares Engjëllushe Tahiri se ka gënjyer për të gjithë kallëzimin e saj.
Në rast dënimi Rraja do përftojë ulje dënimi me 1/3. Seanca gjyqësore e radhës do të mbahet më 4 dhjetor.
Rexhep Rraja akuzohet për përndjekjen e ish të dashurës Xhisiela Maloku dhe u arrestua më 30 shtator, pasi ish-oficeri i policisë, Emiljano Nuhu, denoncoi në media kërcënimet sipas tij nga disa eksponentë të PS për të mbyllur denoncimin e Xhisiela Malokut.
25-vjeçarja vazhdon t'i qëndrojë variantit se nuk është dhunuar nga Rexhepi, por denoncimet për dhunën e ushtruar i kishte bërë në korrik të këtij viti për shkak të xhelozisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.