Gjykata e Tiranës ka vendosur masën e sigurisë “arrest me burg” për Vladimir Gjutën, i cili u arrestua paraditen e 10 shkurtit, pasi tentoi të hynte në selinë e PS me armë.
Gjykata ka pranuar kërkesën e Prokurorisë duke vendosur “arrest me burg” për Gjutën.
Ndërkohë, avokati i tij ka deklaruar pas seancës se kërkesa e prokurorisë bazohej vetëm në faktin e sasisë së parave që kishte me vete.
Sipas tij, klienti i ka pasur paratë për t’i thyer në Exchange dhe për t’i përdorur për biznesin e tij.
“Ka mbrojtur pasurinë e vet, kështu e ka menduar ai. Paratë janë të ligjshme dhe i ka siguruar nga biznesi në Angli së bashku me familjarët. I duheshin për të krijuar një biznes, tregti me mallra amerikane. Prokuroria kërkoi arrest me burg vetëm për paratë e gjetura. Paratë do i thyente për biznesin e tij”, mësohet të ketë deklaruar avokati.
Vladimir Gjuta u kap pranë selisë së Partisë Socialiste me 120.000 mijë euro.
Ndërsa, gjatë kontrollit të banesës së tij, policia i gjeti dhe sekuestroi edhe një mjet të blinduar autoveturë Audi A8.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
