.png)
Gazeta Si – Gjykata e lartë ka caktuar 28 majin si datën e shqyrtimit të kërkesës se kryebashkiakurt Erion Veliaj për zbutjen e masës së sigurisë “arrest me burg”.
Mes argumenteve, mbrojtja e Veliajt sjell edhe vendimin e datës 4 maj 2026 të Gjykatës së Lartë, e cila në kolegjet e bashkuara vendosi ndryshimin e praktikës për qasjen që duhet të ketë gjyqësori ndaj masave të sigurimit personal dhe ku thuhet se masa e arrestit në burg duhet të jetë opsioni fundit.
Pak ditë më parë, Gjykata e Lartë liroi ish-drejtoreshën e AKSHI-t, Mirlinda Karçanaj dhe ia zëvendësoi masën e “arrestit në shtëpi” në “detyrim paraqitje”.
Edhe ish-presidenti Ilir Meta kërkoi masë më të lehtë sigurie vetëm një ditë më parë në Apelin e GJKKO-së dhe si argument përdori edhe vendimin unifikues të Gjykatës së Lartë për paraburgimet, por togat e zeza ia rrëzuan kërkesën, duke e mbajtur në qeli.
Prej 10 shkurtit të vitit 2025, kryebashkiaku Erion Veliaj mbahet i paraburgosur në qelinë e burgut të Durrësit nën dyshimin se ka kryer disa vepra penale, ku ndaj tij rëndojnë plot 13 akuza, mes tyre për korrupsion dhe fshehje turisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje