Gjykata e Lartë nuk ka ndryshuar masën e sigurisë në ngarkim të Jamarbër Malltezit, i cili është nën hetim nga Prokuroria Speciale Kundër Korrupsionit dhe Krimit të Organizuar për procedurat e privatizimit të ish-kompleksit sportiv “Partizani”.
Gjykata e Lartë ka lënë në fuqi masën e sigurisë “Arrest shtëpie” për Malltezin. Kjo masë sigurie u vendos në 21 nëntor 2023 nga Gjykata e Apelit Kundër Krimit të Organizuar dhe Korrupsionit nga gjyqtarja Iliriana Olldashi.
Një ditë më parë, Gjykata e Lartë ka dhënë dhe vendimin e saj edhe për të pandehurin tjetër të dosjes “Partizani”, ish-kryeministrin Sali Berisha. Edhe në rastin e Berishës, Gjykata e Lartë ka rrëzuar kërkesën e të pandehurit për të marrë leje për të shkuar në Kuvend, për të ushtruar funksionin e deputetit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.