Lidhja e Novak Gjokoviç me Italinë është shumë e ngushtë. Fillimi i karrierës së tij kalon nga Komo, bashkëshortja e tij Jelena ka studiuar në “Bocconi” dhe Nole e ka mësuar italishten shumë mirë, siç e tregoi edhe në edicionin e fundit të Festivalit të Sanremos.
Tani, pasi e ka inkurajuar Italinë për gjendjen që po kalon me anë të profilit të tij në Instagram, numri 1 i botës në tenis ka kaluar në praktikë. Drejtori i përgjithshëm i “Asst Bergamo Ovest” ka zbuluar se Gjokoviç ka ndihmuar financiarisht spitalet e Treviglio-Caravaggio dhe Romano di Lombardia, që janë në linjën e parë të luftës ndaj koronavirusit në këto javë të emergjencës.
Ditë më parë tenisti serb dhe bashkëshortja e tij, me anë të fonacionit të tyre, dhuruan 1 milion euro për blerjen e respiratorëve dhe materialeve të tjera shëndetësore në Serbi. “Kurrë nuk e prisnim që në llogarinë tonë bankare të “Asst Bergamo Ovest”, - tregon drejtori Peter Asembergs, - të kishim një donacion nga një emër kaq i njohur. Gjatë këtyre ditëve shumë kompani, ente dhe shoqata na janë gjendur pranë dhe i falënderoj të gjithë për zemërgjerësinë që kanë treguar. Por, të lexoja në listën e donatorëve emrin e tenistit më të mirë në botë, Novak Gjokoviç, më ka emocionuar shumë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.