.png)
Gazeta Si - Gjykata e Posaçme ka pushuar padinë për shpifje të bërë nga Lulzim Basha ndaj kryebashkiakut të Tiranës, Erion Veliaj.
Togat e zeza pushuan çështjen, pasi në seancë nuk është paraqitur as Basha, as avokatët e tij.
Në padi argumentohej se Veliaj, si drejtues i fushatës së Partisë Socialiste për Tiranën, ka bërë 3 akuza konkrete, duke shpifur për kundërshtarin politik, me qëllim që t’i dëmtojë imazhin Bashës.
Padia konsideronte si 3 shpifje të Erion Veliajt akuzat se, kryetari i PD u bë me 4 shtëpi gjatë tërmetit dhe pandemisë, se ka përfituar gjatë periudhës së fatkeqësisë dhe se ka ndërtuar pa leje.
Më herët, të dyja palët kishin refuzuar seancat gjyqësore për pajtim. Më 3 tetor 2020, Lulzim Basha dorëzoi në gjykatë padinë ndaj Veliajt me akuzën e shpifjes së kryer botërisht.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
