.png)
Gazeta Si – GJKKO ka lënë në fuqi masat fillestare ndaj grupit kriminal të Iglit Kamberit, që u godit në Itali, të akuzuar për vrasjen e një parukieri dhe pastrim parash në Shqipëri përmes trafikut të drogës.
Gjykata e Posaçme la në burg Edi Brahaj, Ergys Kastratin dhe Sajmir Pirrën.
Masa e sigurisë është ndryshuar për bashkëshorten e Igli Kamberit, Nevila Kamberi, e cila u la në “arrest shtëpie”, ndërsa shoferi që tentoi futjen e 680 mijë eurove nga Mali i Zi drejt Shqipërisë më 2025, u la në “detyrim paraqitje”.
Masa e sigurisë u është konfirmuar dhe disa prej shqiptarëve të arrestuar në Itali, mes tyre dhe kreu i grupit, Igli Kamberi: Igli Kamberi;; Idajet Kurti; Bardhok Gjergji; Sokol Fusha; Dritan Buzi.
Ky i fundit ndodhet aktualisht në burg për trafik droge dhe vrasjen e 26-vjeçarit italian, Francesco Diviesti më 25 prill 2025, ku shkak dyshohet një borxh prej 300 eurosh.
Ishin hetimet e zhvilluara për këtë ngjarje që çuan në zbulimin e rrjetit kriminal të pastrimit të parave.
Në kuadër operacionit t SPAK dhe Antimafies së Barit, me vendim të GJKKO-së u janë sekuestruar 23 pasuri familjarëve e bashkëpunëtorëve të Igli Kamberit.
Sekuestrimi është bërë për 4 biznese, 680 mijë eurove të kapura në pikën doganore të Morinës në 2025-ën të transportuara nga Lefter Nela, 10 llogarive bankare dhe 4 automjeteve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje