Histori

Gjendet anija 2400 vjeçare në fund të ujërave të Detit të Zi

Një anije greke është gjetur në fund të ujërave të Detit të Zi.

Hulumtuesit thanë se kjo anije përkon me vitet 400 p.e.s, në kohën kur Deti i Zi ishte qendër tregtare mes kolonive greke.

 “Një anije që mbijeton e paprekur nga bota klasike, e cila gjendet në një thellësi kaq të madhe të ujit, është diçka që kurrë nuk do të kisha mundur të besoja,” tha arkeologu Jon Adams, udhëheqës i MAP të Detit të Zi.

“Kjo do të ndryshojë kuptimin tonë për ndërtimin e anijeve detare në botën e lashtë”, shtoi me tej ai.

Për shkak se uji në thellësi të detit është pa oksigjen, anija ka qenë e pacenuar për më shumë se 2400 vite.

Anija prej 75 metra e gjatë, e dokumentuar nga një mjet me telekomandë (ROV) të pajisur me kamera, duket i ngjashëm me anijet tregtare të përshkruara në vazo të lashtë grekë.

Ruajtja unike e anijes 2400 vjeçare është për shkak të kimisë së pazakontë të ujit të Detit të Zi dhe mungesës së oksigjenit nën 180 metra thellësi. Kjo shtresë anoksike, e cila përbën gati 90 përqind të vëllimit të detit, parandalon proceset fizike dhe kimike që shkaktojnë prishjen organike.

 

Më Shumë