.png)
Nga Gazeta Si - Një grup kërcimtarësh nga Uganda, “Triplets Ghetto Kids’, u bënë viralë në të gjithë botën pasi fituan “Golden Buzzer” gjatë performancës së tyre në shfaqjen televizive “Britain’s Got Talent”. Kur juria jep “The Golden Buzzer” dërgon automatikisht garuesit drejt e në raundet e fundit. Dhe kjo nuk kishte ndodhur kurrë në mes të një performance më parë.
Në fakt, grupi i kërcimit ka disa vite që është kthyer një sensacion në internet. Ata sjellin koreografi të ndryshme me këngë ritmike dhe publikojnë video në YouTube, Instagram dhe TikTok.
Performancat e tyre unike frymëzohen nga këngët popullore afrikane dhe format tradicionale të vallëzimit afrikan - me një kthesë inovative bashkëkohore. ‘Ghetto Kids’ janë prova e fuqisë që ka kërcimi për të transformuar jetën tonë.
Kush janë “Ghetto Kids”?
“Ghetto Kids” janë pjesë e një familjeje prej 30 fëmijësh nën kujdestarinë e Kavuma Dauda. Fondacioni i tij ka ofruar strehim, ushqim dhe edukim për fëmijët nga rrugët e Kampala që nga viti 2007. “Ghetto Kids” u regjistrua si një organizatë joqeveritare në 2013 pas suksesit të papritur të trupës së kërcimit me videon e kërcimit të Sitya Loss nga këngëtari Eddy Kenzo. Fondacioni përdor muzikë, vallëzim dhe dramë për të ndihmuar fëmijët të kenë një jetë më të mirë.
Ghetto Kids kanë tërhequr vëmendjen e koreografëve kryesorë që kanë punuar me ta. Ata kanë fituar çmime të shumta ndërkombëtare të kërcimit që nga viti 2015, duke përfshirë një çmim Afrimma, një çmim nga Shoqata e Industrisë së Regjistrimit të Amerikës dhe një Çmimi i Krijuesve të YouTube. Ata performuan në Kupën Botërore të futbollit për meshkuj në 2022.
Rruga drejt famës
“Ghetto Kids” së pari arriti njohjen globale në 2017 me videon e tyre të kërcimit në këngën Afro house Marimba Rija nga muzikanti Dotorado Pro. Me hapat e koreografit të njohur ndërkombëtarisht nga Ruanda, Sherrie Silver, video arriti 25 milionë shikime në atë kohë.
Marimba Rija ishte zgjedhja perfekte për të përcaktuar karakterin e ‘Ghetto Kids’. Marimba është një instrument që është thelbësor për stile të ndryshme muzikore në të gjithë Afrikën. Videoja bëri një lidhje me elementë të veçantë të vallëzimit tradicional dhe shtoi lëvizje origjinale të lindura nga krijimtaria dhe stili i grupit.
Një video tjetër që përcakton karakterin e tyre unik u regjistrua në vitin 2021, me Laissez Passer (Let Them Pass), një hit nga muzikanti kongolez, Diblo Dibala. Kënga është një shkrirje e soukous dhe coupé decalé. Soukous është një zhanër kërcimi që rrjedh nga rumba kongoleze i popullarizuar në vitet 1980. Coupé decalé është një formë e vallëzimit dhe muzikës popullore që u krijua në Paris nga një grup të rinjsh në fillim të viteve 2000.
Performanca në Britaninë e Madhe
Koreografia për Britain's Got Talent u krijua nga një bashkëpunim i dy koreografëve nga Uganda, Nandala Mathew, e cila udhëton nëpër botë duke përhapur stile kërcimi afrikan në shkrirje të jashtëzakonshme me hip-hop dhe funk, dhe Namata Esther, një koreografe e talentuar ugandase që punon me Ghetto.
Performanca ishte e gjitha fusion, duke u hapur me një lëvizje koke, lëvizja e famshme të kërcimit të yllit të popit amerikan Michael Jackson dhe tingujt e një kënge të gëzueshme soukous, e cila më pas u zhvendos në tingujt Afro-house (muzikë elektronike kërcimi me rrënjë afrikano-jugore). Ata miksuan disa hapa tradicionalë të këtyre stileve me disa lëvizje të tjera nga vallet e shumta magjepsëse të repertorit të Ugandës.
Çfarë i bën ata unikë
Kombinimi i traditës dhe inovacionit është zotëruar në mënyrë perfekte nga ‘Ghetto Kids’. Lëvizjet e tyre ikonike pasqyrojnë fluksin e ndikimit artistik dhe kulturor që ekziston midis vendeve afrikane nën-Sahariane.
Grupi është gjithashtu i vetëdijshëm për fuqinë e shfaqjes dhe shpërndarjes së imazheve stereotipike të Afrikës përmes interpretimeve të tyre. Ikonografia e fshatit tradicional afrikan, e peizazheve rurale dhe madje edhe e swag-ave afrikane (të veshur me kapele dhe xhaketa të zbukuruara) janë përdorur prej tyre.
Një përzierje e vetëbesimit, ironisë dhe optimizmit të gëzueshëm na sillet nga të gjitha videot dhe performancat e tyre. Ata përqafojnë ata që janë në të vërtetë dhe janë të gatshëm të ndajnë recetën e tyre të lumturisë.
Themeluesi i ‘Ghetto Kids’, Dauda ka folur shpesh se vetë është rritur në rrugë, që nuk pati mundësi për të shkuar në shkollë. Një i huaj financoi arsimimin e tij dhe ai i premtoi vetes se do të bënte të njëjtën gjë për të tjerët; aktivitetin e tij e filloi pasi u diplomua si mësues matematike.
Misioni i Dauda-s merr një rëndësi të veçantë në Ugandë, një vend që është përballur prej dekadash me luftëra civile ku fëmijët kanë qenë viktima të kushteve të paqëndrueshme politike dhe ku malaria, infeksionet e frymëmarrjes dhe SIDA i kanë dhënë fund jetëve të shumë të rinjve.
Në këtë kontekst, ajo çka ai bën është dhe një strategji për të mbrojtur jetën e tyre, për t'i bërë ata të vlefshëm, për të stimuluar rritjen dhe edukimin e tyre, për të riparuar dhunën e së kaluarës dhe për të denoncuar kushtet e tyre sociale.
‘Triplets Ghetto Kids’ janë shprehja e nevojës për të kthyer dobësitë historike në pika të forta për të gjithë komunitetin. Ata po kërcejnë për edukimin dhe mbijetesën e tyre. /The Conversation/
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
