.png)
Universiteti “Marin Barleti” ka ndarë për të dytin vit çmimin “Barleti”, një çmim honorifik që ky institucion e jep për njerëz dhe figura me kontribut me jetën publike të vendit.
Për këtë vit çmimi i është dhënë gazetarit dhe moderatorit Alban Dudushi për kontributin e vyer në media dhe komunikim. Alban Dudushi, ndër të parët emra dhe figura të ‘Top Medias’, aktualisht drejtues i emisionit të përjavshëm ‘Top Show’, u vlerësua me këtë çmim për dy virtyte të rëndësishme të komunikimit, ndershmerinë dhe pozitivitetin që përcjell tek teleshikuesit.
Vetë Alban Dudushi pohoi se vazhdon të jetë i njëjti, ndonëse shtoi se pasqyra u thye në dysh kur kolegia e tij, Eni Vasili e ftoi të ndante opinionet e veta në emisionin e saj.
“Ky është i shitur më thanë dhe publiku m’u nda në dysh. Ata që më njohin do të thonë që edhe për këtë çmim qënkam i shitur”, deklaroi gazetari pas tërheqjes së çmimit.
I pari që e ka marrë këtë çmim ishte Presidenti i Federatës Shqiptare të Futbollit, Armand Duka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
