Janë certifikuar 28 kandidatë për Byronë Kombëtare të Hetimit.
Komisioni i Posaçëm i Verifikimit të Pasurisë dhe Figurës, i ka dhënë “dritë jeshile” 28 kandidatëve, nga 37 që ishin gjithsej në garë.
Për 9 të tjerë, komisioni vlerësoi se nuk plotësojnë kushtet e sigurisë.
Kandidatët e kualifikuar, do t’i nënshtrohen trajnimit me një sërë modulesh vlerësimi që duhen kaluar përpara se të certifikohen.
Verifikimi i kushteve të sigurisë u zhvillua nën vëzhgimin dhe monitorimin e Komisionit të Pavarur të Rishikimit, të caktuar nga misionet e Qeverisë së Shteteve të Bashkuara të Amerikës dhe Bashkimit Europian në Shqipëri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.