Gazeta Si - Piloti holandez regjistroi kohën më të mirë në kualifikueset e garës së Kanadasë. Pista ishte e lagur nga shiu, por ai ia doli të zinte ‘pole position’. Leklerk niset i parafundit, Hemilton i katërti.
Shi i fortë në Montreal, që mund të ndryshojë vlerat. Jo shumë, në fakt. Maks Vershtapen është konfirmuar numri 1. Holandezi i Red Bull-it ka arritur ‘pole position’ e 15-të në karrierë. Ai la pas spanjollët Fernando Alonso dhe Karlos Sainz.
Now that's an exciting grid order for Sunday 🤤#CanadianGP #F1 pic.twitter.com/D70cm9LENg
— Formula 1 (@F1) June 18, 2022
Në garën e Kanadasë Ljuis Hemilton do të niset nga vendi i 4-t. Dy makinat Haas të Kevin Magnusen dhe Mik Shumaker do të nisen nga rreshti i tretë. Pastaj janë Okon dhe Rasëll. Sukses për Zhou me Alfa Romeo, pasi për herë të parë në karrierë arriti në Q3.
Ferrari shpresat i ka të gjitha te Karlos Sainz. Spanjolli ka detyrën e vështirë të mbajë lart nderin e skuderisë italiane në garën e Kanadasë.
Sharl Leklerk është i detyruar të niset nga fundi i rreshtimit. Ferrari vendosi të bënte disa modifikime në makinën e tij. Francezi niset nga rreshti i fundit, por do të ketë dy ‘power unit’ të reja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.