Nëpër rrjete sociale, pjesë e teorive të shumta konspirative, janë bërë edhe videot po aq dezinformuese sa edhe teoritë e ndoshta më të besueshme se sa një shkrim.
Kohët e fundit, në rrjetin social TikTok që cilësohet dhe si një ndër rrjetet sociale me më pak rezistencë ndaj lajmeve fake, po qarkullojnë video të njerëzve të cilët pretendojnë se janë vaksinuar kundër Covid dhe në krahun ku kanë marrë vaksinën, supozojnë se aty është krijuar një fushë magnetike dhe këtë e vërtetojnë me anë të një monedhe që tërhiqet nga brenda trupit.
Pra, duke dezinformuar për përbërje magnetike të përmbajtjes së vaksinave anti-Covid apo duke hedhur aludime për pajisje përgjuese apo mikroçipa.
Një gjë e tillë, ka krijuar konfuzion tek përdoruesit e rrjeteve sociale që qëndrojnë tek të dyja kahet e ngjarjes, pro dhe kundër vaksinës dhe për më tepër vulnerabël ndaj informacioneve të pabaza, të pa studiuara dhe me qëllim të keqinformojë.
Njësoj si Tik Tok edhe Shqipëria renditet ndër vendet më pak rezistente ndaj lajmeve të pavërteta. Ky lajm ka zënë “viktima” edhe këtu tek ne.
Një grua 59-vjeçare nga Tirana, refuzon pikërisht për këtë arsye të bëjë vaksinën. Për Gazetasi.al ajo tregon se pas videove ku supozohej se vaksina anti-Covid ka krijuar një fushë magnetike në krahun e të vaksinuarëve.
Gjithsesi, të dezinformosh për vaksinat anti-Covid, si i vetmi mjet që mund të ndihmojë në rikthimin në normalitet, në të njëjtën kohë kur të gjithë vazhdojnë të bëjnë thirrje për të ndaluar lajmet fake neës, kërkon po të njëjtin kapacitet sa vetë çështja, “dezinformim të niveleve të larta”.
Sepse, në fakt, përbërja e monedhave nuk është e tillë për të krijuar një fushë magnetike nga ndërlidhja e zinkut, bakrit dhe nikelit, elementë që nuk janë magnetike, por mund të operojnë në një fushë të tillë me fuqi minimale sa për të mos u përfshirë fare në të.
Gazetasi.al e bëri këtë provë, por del e kundërta e atyre videove që qarkullojnë në rrjetet sociale.
Reagimi i qytetarëve në rrjetet sociale ishte masivisht në kundërshtim me videot e tilla, disa, shumë pak e besonin, ndërsa pjesa tjetër po tallej, duke bërë video, ku në krahun e vaksinës nxirrnin kompjutera, ekspres kafeje dhe objekte të tjera.
Burime për Gazetasi.al tregojnë se ka shumë të rinj shqiptarë që në mos teorinë e magnetizimit, besojnë teori të tjera anti-vaksinës. Të rinj që kategorikisht refuzojnë të bëjnë vaksinën, madje kanë ndikuar dhe tek të afërmit e tyre. Të rinj që më shumë se sa shkencës i besojnë grupeve antiestablishment apo konkluzioneve të nxjerra vetë në një tavolinë duke pirë kafe.
Paralelisht me antikonformistët, procesi i vaksinimit në vendin tonë po vazhdon me operatorët turistikë dhe me fasoneritë, por sipas të dhënave të Gazetasi.al, vaksinimi me dozë të dytë po ecën më intensivisht se sa ai për individët që do ta marrin vaksinën për herë të parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.