Një aksident tragjik ka ndodhur në fshatin Çekrez, Gramsh mbrëmjen e së shtunës. Dy persona kanë vdekur dhe 8 kanë mbetur të plagosur, disa në gjendje të rëndë. Policia thotë se shtetasi M.Gj., 28 vjeç, banues në Tiranë, duke drejtuar mjetin tip "Fuoristradë", ka dalë nga rruga dhe për pasojë kanë humbur jetën 2 shtetas dhe janë plagosur 8 të tjerë. Të plagosurit janë transportuar në Spitalin e Gramshit dhe ndodhen nën kujdesin e mjekëve, ndërsa ata në gjendje më të rëndë drejt Tiranës. Dyshohet se personat që kanë qenë në automjet kanë qenë sirianë dhe po transportoheshin drejt Tiranës, por duke shmangur rrugën kombëtare, ndaj kanë udhëtuar nga Gramshi.
Fuoristrada ra në humnerë 3 kilometra larg nga Gramshi në vendin e quajtur ish- depot ushtarake ose Çekrez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.