.png)
Alma Barragán është viktima e fundit. Për momentin. Një kandidate e guximshme nga Ciudadian Movimiento ka thirrur mbështetësit e saj përmes mediave sociale për një tubim në Moroleón, shteti meksikan i Guanajuatos.
Por atë po e prisnin edhe vrasësit që e ekzekutuan. Një fund mizor dhe jo i izoluar në fushatën zgjedhore për votimet afat-mesme të planifikuara në 6 qershor.
Si gjithnjë në Meksikë, numrat thonë më shumë sesa fjalët. 88 politikanë janë vrarë dhe nga këta 34 ishin kandidatë për komuna të vogla dhe të tjera. Katërmbëdhjetë prej tyre janë gra.
Me një të dhënë tjetër kryesore: 89% konkurronin ndaj një kundërshtari në pushtet. Dhe së bashku me pritat, janë ballafaquar edhe me sulmet.
Deri tani janë regjistruar 232 të tilla. Ka nga ata që janë kërcënuar drejtpërdrejt, me paralajmërime publike dhe paralajmërime direkte.
Por ka pasur edhe nga ata të eliminuar me një lak në qafë, apo janë tërhequr zvarrë në rrugë. Ka kaq shumë mënyra për të nxjerrë një konkurrent nga gara dhe gangsterët nuk e kanë problem ta bëjnë atë fizikisht.
Është një ferr pa ligj dhe mbrojtje, në një vend të ndarë nga lufta tjetër, ajo që shkaktohet nga grupe të armatosura, policia dhe narko-trafikantët. Bilancet zyrtare llogarisin pothuajse 12,000 viktima në këto 5 muaj të parë të vitit, një nga periudhat më të vështira.
Dhe rajoni Guanajuato, ku ndodhi vrasja e Alma Barragán, regjistroi mbi 300, duke konfirmuar një trend dramatik, aq sa dhe të konsoliduar. Abel Murrieta, një anëtar tjetër i Movimiento Ciudadiano, ra nën një pritë zjarri në Ciudad Obregon. Ai ishte në një qendër tregtare për një takim dhe u vra nga një burrë që mbërriti pas tij. Ai e qëlloi atë dhjetë herë, me dy nga plumba që përfunduan në kokë. Një ekzekutim.
Sulmet janë intensive dhe të shpeshta, sepse kontrolli i një komune luan një rol vendimtar. Është baza lokale, që mund të bëhet një urë lidhëse për shumë biznese. Dhe në mënyrë të pashmangshme, dyshimet përqendrohen te mafia.
Kartelet janë një kërcënim, bosët bashkohen me kryebashkiakun dhe përgjegjësit e sigurisë, i blejnë dhe i shpërblejnë. I përdorin për të arritur marrëveshje për të kontrolluar territorin përmes lehtësimit të trafikut të drogës, emigrantëve të paligjshëm, karburantit të vjedhur dhe produkteve bujqësore. Por ky është vetëm një aspekt i një realiteti të korruptuar.
Urdhri për të "likuiduar" njerëzit, megjithatë, mund të vijë gjithashtu nga shifra që nuk janë të lidhura me rrjetin e trafikantëve.
Ka qendra më të vogla të pushtetit dhe individë të gatshëm të bëjnë gjithçka për të siguruar fitoren edhe kur nuk kanë konsensus të mjaftueshëm.
Janë ata që punësojnë vrasës, të cilëve u besojnë "kontratën" e vendosur në kokën e rivalit. Është një piramidë e rrezikshme. Fillon nga fundi, në një fshat të vogël dhe më pas arrin në majë duke ngjitur "shkallët" institucionale. Ka shumë guvernatorë që kanë përfunduar në listën e të kërkuarve. Shumë prej tyre kanë akumuluar pasuri të fshehur jashtë vendit.
Sondazhet zbulojnë se opinioni publik është kritik ndaj presidentit Andrés Manuel López Obrador. Ai premtoi një ndryshim të situatës, por çdo muaj është i detyruar të numërojë viktimat.
Sidoqoftë, dështimi u bë edhe më i dukshëm nga tonet e përdorura nga vetë presidenti kundër kritikëve, një zgjedhje e paarsyeshme në një arenë ku tashmë ekziston një prirje për larjen e hesapeve.
Përshtati në shqip: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
