Nga Gazeta ‘Si’ - Euro ka thyer përsëri nivelin e 107 lekëve që po mbante prej disa ditësh kundrejt lekut. Sot, 11 shtator, Banka e Shqipërisë raporton se monedha europiane këmbehet me 106.8 lekë, duke humbur 0.45 pikë në një ditë.
Në të njëjtin trend kanë vijuar edhe monedhat e tjera kundrejt lekut. Një dollar këmbehet me 99.68 lekë dhe një paund britanik me 124.85 lekë.
Kjo tregon se qarkullimi i euros në tregun vendas vazhdon të jetë i lartë, ndonëse sezoni turistik është pranë fundit. Forcimi i lekut dhe zhvlerësimi i euros është arsyetuar pikërisht me flukset turistike në vend dhe me rritjen e eksporteve, si nga qeveria ashtu edhe nga Banka e Shqipërisë.
Gjithsesi euro nisi dobësimin që në tremujorin e parë të vitit dhe po vazhdon ende, duke vënë në dyshim arsyetimin e mësipërm. Për ekspertët e pavarur, luhatjet e forta janë burim i parasë informale në vend dhe spekulimit të qëllimshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.