Fronti për Shpëtimin Kombëtar, një nismë e Partisë Demokratike që thotë se është në bashkëpunim me shoqërinë civile, ka thirrur protestën e parë kombëtare.
Protesta është thirrur për ditën e enjte më 4 gusht në orën 19:00 para Ministrisë së Brendshme me kërkesën kryesore dorëheqjen e ministrit të Brendshëm, Bledi Çuçi dhe ministres së Turizmit, Mirela Kumbaro.
Kërkesa për dorëheqjen e tyre vjen pas ngjarjes tragjike në Himarë këtë të martë, ku një vajzë 7-vjeçare humbi jetën si pasojë e goditjes me skaf nga një komisar policie.
Formati i protestës bashkon për herë të parë aksionin opozitar të Sali Berishës dhe Ilir Metës, ndonëse jo zyrtarisht.
Si Berisha, ashtu edhe Meta e kanë cilësuar ngjarjen si të paralajmëruar dhe pasojë e keqpërdorimit të policisë. Por, asnjëri prej tyre nuk thirri protestë, ndërsa protesta mbërrin nën ombrellën e Frontit të Shpëtimit Kombëtar.
Tragjedia në Himarë, Fronti për Shpëtimin Kombëtar thërret protestë të enjten, 4 Gusht, ora 19:00 para Ministrisë së Brendshme. Kërkesë për dorëheqjen e ministrit të Brendshem Bledi Çuçi dhe ministres së Turizmit, Mirela Kumbaro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.