.png)
Koalicioni me PD po i kushton shtrenjtë FRD-së. Pas largimit të Bamir Topit nga partia e themeluar prej tij, shkrihet dega e FRD-së në Tiranë, e cila ka pasur edhe peshën më të madhe elektorale.
Duke filluar nga Kryetari i kësaj dege, Andi Seferi, i cili aktualisht ushtron detyrën e nënkryetarit të bashkisë e gjer tek anëtarët e saj, kanë firmosur dorëheqjet e parevokueshme duke u larguar përfundimisht nga FRD. Shkak për këtë është bërë përplasja me sekretarin e Përgjithshëm të FRD-së Sali Shehu.
Letra i është drejtuar kryesisë së partisë dhe hyn në fuqi menjëherë.
Në momentet e fundit të afatit limit për regjistrimin e koalicioneve, Sekretari i Përgjithshëm i FRD-së Sali Shehu firmosi një marrëveshje bashkëpunimi me kreun e PD-së Lulzim Basha, një vendim që solli dorëheqjen e kryetarit.
Pritet të shihet nëse këto veprime janë akte demonstrative apo i shërbejnë Bamir Topit drejt krijimit të një force të re të djathë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
