Një histori e bukur njerëzore, një miks midis dashurisë për futbollin e atë për njerëzit, vjen nga Franca. Maxime Tarasconi, mesfushori 29 vjeçar i As Gémenos, klub i kategorisë së tretë të kampionatit francez, ka kaluar nga fushat e lojës në repartet e spitaleve. Ish-lojtari i Istres (33 ndeshje në Ligue 2 mes 2011 e 2013 ) po lufton kundër koronavirus si infermier në terapi intensive në spitalin Timone në Marsejë.
Futbollisti me zemër të artë, i cili kishte rifilluar studimet për infermier në moshën 25 vjecare, paralelisht me futbollin, rrëfen për L’Equipe dramën e këtyre ditëve. “Në terapi intensive, jemi mësuar të shohim situata serioze. Sidoqoftë, në ditët e fundit, kemi kaluar në modalitetin koronavirus. Ka disa raste që kanë nisur të intensifikohen – shpjegoi ai -. Jemi gjithnjë e më shumë në veprim. Pacientët tanë janë kryesisht të infektuar nga Covid-19 dhe ka masa paraprake të reja që duhen marrë. Ky virus është më kërkues në procedurat e izolimit. Duhet të kesh kujdes nga gjithçka që transmetohet. Ka kolegë, mjekë e punonjës të tjerë të kujdesit shëndetësor që janë infektuar rreth meje”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.