Njerez

Fotogaleri / Partizani kampion dhe jashtë fushe, pranë fëmijëve jetimë

Klubi i Partizanit është kampion edhe jashtë fushe. Në ditën ndërkombëtare të fëmijëve jetimë, klubi i kuq ka pritur në ambientet e kompleksit “Football Republic”, ku stërvitet çdo ditë, një grup fëmijësh jetimë nga kryeqyteti. Një event special për këtë grup fëmijësh, të cilët kanë kaluar disa momente të bukura me kampionët e Superiores. I pranishëm, veç grupit të futbollistëve dhe stafit teknik të Partizanit, ishte edhe drejtori i përgjithshëm i klubit, Olsi Rama. Aktiviteti është organizuar në bashkëpunim me Kryqin e Kuq Shqiptar.

Lojtarët e Partizanit kanë organizuar disa lojëra me fëmijët dhe janë përpjekur të “injektojnë” tek ata dëshirën për t’u marrë sa më shumë me sport. Në fund edhe dhurata për fëmijët, fanella të Partizanit dhe topa futbolli.

 

Më Shumë