Protesta te Teatri Kombëtar ka degraduar në përplasje fizike mes qytetarëve dhe policisë.
Protestuesit kanë shkulur e thyer me forcë gardhet metalike, ndërsa uniformat blu janë lidhur gardh me njëri-tjetrin për të mos lejuar kalimin e qytetarëve.
Mes protestuesve janë edhe ish-deputetët të opozitës, artistë dhe përfaqësues të shoqërisë civile.
Ndërkohë, Policia e Shtetit ka reaguar pas përplasjeve me aktivistët të cilët kundërshtojnë shembjen e godinës së Teatrit Kombëtar.
Në një deklaratë për mediat, Policia e Shtetit thotë se janë shoqëruar 37 persona të cilët kundërshtuan apo tentuan të pengonin autoritetet për zbatimin e prishjes së ndërtesës së teatrit.
Policia thotë se qytetarët duhet të shmangin grumbullimet, pasi janë të ndaluara tubimet bazuar në aktin normativ në kuadër të masave kundër koronavirusit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.