.png)
Gazeta Si - Pierr Gasli është një njeri i besuar tek Alpha Tauri. Kjo skuderi nuk dëshiron të ndahet nga piloti francez dhe sapo ka rinovuar kontratën me të edhe për një vit.
Ish-piloti i Red Bull-it do të jetë i lidhur me Alpha Taurin të paktën deri në fund të 2023-shit. Zyrtarizimi ka ardhur nga vetë skuderia, drejtuesit e të cilës janë shumë entuziastë për këtë hap.
he's not going anywhere! 🤙 @PierreGASLY stays with the team for 2023! 💙
— Scuderia AlphaTauri (@AlphaTauriF1) June 24, 2022
read more 👉 https://t.co/tRJojqwwHQ pic.twitter.com/JsW0WIdVRV
Edhe piloti 26-vjeçar, Pierr Gasli, është i lumtur për rinovimin. Pas firmës ai ka deklaruar: "Prej 5 vitesh bëj pjesë te kjo skuadër dhe jam krenar për udhëhtimin që kemi bërë së bashku. Po ashtu edhe për progresin tonë.
Jam shumë i kënaqur që do të qëndroj te skuadra ime Alpha Tauri. Normativat e reja të këtij viti kanë krijuar sfida të reja dhe planifikimi i zhvillimit të skuadrës për 18 muajt e ardhshëm është një bazë e mirë pune për të ardhmen”.
Eksperienca e Pierr Gasli tek Alpha Tauri fillon që prej vitit 2017, me një shkëputje të shkurtër për te Red Bull. Në 2019-ën francezi zëvendësoi Daniel Riçardon, por pas 12 garash u kthye te skuadra satelit (atëherë quhej Toro Roso).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
