Ka ndërruar jetë në moshën 79-vjeçare Frenk Uilliams, një nga figurat më të njohura të Formulës. Lajmi është bërë i ditur nga fqaja zyrtare e Formulës 1 dhe skuderisë së themeluar prej tij.
"Me trishtim të thellë, në emër të familjes Uilliams, skuadra bën me dije se ka ndërruar jetë Sër Frenk Uilliams, themelues dhe ish-drejtues kryesor i Uilliams Racing".
Uilliams ndërroi jetë në spital, pranë familjarëve të tij. Ai qëndronte në një karrige me rrota pas një aksidenti automobilistik në 1986-ën. Deri në vitin 2012 bënte pjesë në këshillin administrativ të skuderisë që e themeloi vetë në 1977-ën. Në vitet e fundit ia delegoi gjithçka së bijës Kler, që mori gradualisht komandën e skuadrës deri në shtator të 2020-ës, kur Uilliams iu shit fondit amerikan Dorilton Capital.
Skuderia Uilliams ka fituar 9 tituj për konstruktorë, të fundit në 1997-ën me Zhak Vilnëv. Edhe Botërorët e fituar nga pilotët e Uillimsit janë shtatë.
"Ishte një gjigant i vërtetë i sportit tonë, ka fituar sfidat më të vështira të jetës dhe ka luftuar çdo ditë për të fituar në pistë dhe jashtë saj. Rezultatet e tij të pabesueshme dhe personaliteti i tij do të mbeten përgjithmonë në sportin tonë”, - ka thënë Stefano Domenikali, administratori i deleguar i F.1.
One of the sport's greatest inspirations with a legacy that will live on forever.
— Williams Racing (@WilliamsRacing) November 28, 2021
Rest in peace, Sir Frank Williams 💙 pic.twitter.com/IsbAKWz0uW
Jost Capito, administrator i Uilliams, për themeluesin e kësaj skuderie ka thënë: "Ishte unik në llojin e tij, një pionier i vërtetë. E ka udhëhequr skuadrën tonë për 16 kampionate, pavarësisht vështirësive në jetën e tij, dhe e ka bërë Uilliamsin një nga skuderitë me më shumë suksese në historinë e Formulës 1. Vlerat e tij, mes të cilave integriteti, puna në grup dhe krenaria mbeten etika e skuadrës sonë dhe trashëgimia e tij”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.