Në Ministrinë e Financave ditën e sotme u firmosën 3 marrëveshje të rëndësishme në sektorin e energjisë dhe për rinovimin e konvikteve në kampusin universitar të Tiranës.
- Memorandumi i mirëkuptimit për bashkëpunimin financiar mes Shqipërisë, Gjermanisë dhe Francës në lidhje me programin “Mbështetja e reformës në sektorin energjetik në Shqipëri”.
Memorandumi u firmos nga ministri i Financave dhe Ekonomisë z.Arben Ahmetaj, ministri i Infrastrukturës dhe Energjisë z.Damian Gjiknuri, përfaqësuesi i bankës gjermane KfW z. Christopf Tiskens dhe përfaqësuesi i Agjencisë Franceze për Zhvillim z. Dominique Hautbergue.
- Marrëveshja ndërmjet Qeverisë së Republikës Federale të Gjermanisë dhe Këshillit të Ministrave të Republikës së Shqipërisë për bashkëpunimin financiar 2016 për projektin “Programi i investimeve për shpërndarjen e energjisë elektrike I”.
Marrëveshja u firmos nga ministri i Infrastrukturës dhe Energjisë z.Damian Gjiknuri dhe ambasadorja e Republikës Federale të Gjermanisë në Tiranë znj. Susanne Schutz.
- Marrëveshja ndërmjet qeverisë së Republikës Federale të Gjermanisë dhe Këshillit të Ministrave të Republikës së Shqipërisë për bashkëpunim financiar 2017 për projektin “Programi për rinovimin e konvikteve në kampusin universitar të Tiranës sipas parimit të efiçiencës energjitike, faza III”.
Sipas ministrit Damian Gjiknuri në Qytetin Studenti do të rikonstruktohen 9 godina në total.
Marrëveshja firmoset nga ministri i Infrastrukturës dhe Energjisë z.Damian Gjiknuri dhe ambasadorja e Republikës Federale të Gjermanisë në Tiranë znj. Susanne Schutz.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.