.png)
Ministria e Financave dhe Ekonomisë në faqen e saj të internetit informon bizneset se duhet të marrin masat e duhura me qëllim që të përmbushin detyrimet Ligjore për faturën elektronike.
Që nga data 1 Janar 2021, faturat që do të lëshohen për Organet Publike Shtetërore duhet të jenë Fatura Elektronike dhe shkëmbehen nëpërmjet Platformës Qendrore të Faturave.
Ndërsa, për faturat që do të lëshohen ndërmjet bizneseve, këto fatura duhet që të jenë Fatura Elektronike dhe shkëmbehen nëpërmjet Platformës Qendrore të Faturave duke filluar nga data 1 Korrik 2021.
Për të lëshuar Faturë Elektronike kërkohet që tatimpaguesit të përmbushin kërkesat:
-Akses në Internet në vendin e lëshimit të faturave elektronike
-Pajisja me Certifikatë Elektronike nga Agjencia Kombëtare e Shoqërisë së Informacionit (AKSHI)
-Shërbimi: https://e-albania.al/eAlbaniaServices/UseService.aspx?service_code=13691
-Aksesimi i Platformës Qendrore të Faturave duke përdorur kredencialet tuaja të aksesit nëpërmjet E-Albania, në adresën: https://efiskalizimi-app.tatime.gov.al/self-care
Plotësimi i të dhënave për procesin e fiskalizimit sipas:
-Përcaktimin e ofruesit të internetit për vendet e ushtrimit të veprimtarisë së biznesit
-Përcaktimin e pronësisë së ambientit dhe sipërfaqes për vendet e ushtrimit të veprimtarisë së biznesit
-Përcaktimin e rregullit të numrit rendor të faturave
-Përcaktimin e aktiviteteve të biznesit referuar kodeve NACE Rev. 2
-Përcaktimin e orëve të punës për çdo vend të ushtrimit të veprimtarisë së biznesit
-Përcaktimin e koordinatave në hartë për çdo vend të ushtrimit të veprimtarisë së biznesit
-Shtimin e kontakteve për çdo vend të ushtrimit të veprimtarisë së biznesit
-Shtimin e operatorit/ëve që do të lëshojë faturë elektronike
-Ngarkimin e Certifikatës Elektronike me qëllim fillimin e procesit të lëshimit të faturave elektronike
Me plotësimin e kërkesave, bizneset mund të lëshojnë fatura elektronike nëpërmjet Platformës Qendrore të Faturave për Organet Publike Shtetërore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
