Në fillim të javës vendi ynë do të përfshihet nga kalimi i një fronti ajror i cili do të rikthejë reshjet e shiut. Në zonën veriperëndimore do të ketë stuhi me shkarkesa elektrike në pjesën e dytë të ditës. Gjithsesi temperaturat do të mbeten të larta, nga 12 grade në zonat malore deri në 18 gradë celcius në bregdet. Mot i paqëndrueshëm do vazhdojë deri ditën e mërkurë.
Atë ditë në zonat malore do të rikthehet bora pasi do të afrohen masa ajri të ftohta. Temperaturat do të zbresin. Ditën e enjte moti do të kthjellohet, por do të ketë rënie të ndjeshme të temperaturave ku në veri termometri do të zbresë deri në -10 gradë celsius në mëngjes. Në mesditë temperatura nuk do t’i kalojë 2 gradë në veri, ndërsa në bregdet dhe zonat e ulëta temperaturat nuk do të jenë më të larta se 12 gradë celsius.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.