Sqarimi i CIO dhe Fifa-s në të cilën specifikohet se në turneun e futbollit të Tokio 2020 do të pranohen edhe lojtarët e lindur në 1997, që teorikisht me shtyrjen e Lojërave në 2021 nuk do të kishin mundur të merrnin pjesë, i jep një ‘’dorë’’ teknikut të Argjentinës Fernando Batista. Në fakt, tani trajneri Olimpik Albiceleste mund të mbështetet tek ylli i tij, interisti Lautaro Martinez, lindur në 22 gusht 1997, e në këtë pikë përsëri i “disponueshëm”.
Batista, që në Japoni kërkon të fitojë medaljen e artë, është i sigurtë se mund të bindë Inter të lirojë sulmuesin (për Olimpiadën klubet nuk janë të detyruar të lënë lojtarët e tyre), ndërkohë pas vendimit të fundit, do të jenë në dispozicion edhe lojtarë si Montiel (River Plate), Ascacibar (Hertha Berlin), Robertone (Velez) e ish-romanisti Ponce (Spartak Moskë), të gjithë pjesë e skuadrës dhe të lindur në ’97.
Pritet të mësohet nëse në Tokio 2020 mund të përdoren edhe tre lojtarë jashtë kuote: më shumë se Argjentinës, në fakt, çështja i intereson Brazilit për Neymar e Egjiptit që dëshiron të grumbullojë Salah.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.