Gazeta Si - Pas një viti nga rasti ‘Red Bull’, Federata Ndërkombëtare e Automobilizmit (FIA) ka arkivuar pa lënë asnjë çështje pezull Botërorin e 2022-shit.
Gjithçka në rregull për 2022-shin. FIA ka konfirmuar me anë të një komunikate zyrtare konformitetin e plotë të 10 skuadrave që morën pjesë në Botërorin e kaluar. Ato kanë respektuar rregulloren financiare të kostove, ‘Budget Cap’. Nuk ka më asnjë rast ‘Red Bull’, që kishte ‘helmuar’ disi fundin e sezonit që shkoi.
"FIA konfirmon se sektori i saj i tavanit të kostove ka përfunduar kontrollin e dokumentacionit të paraqitur nga gjithë skuadrat pjesëmarrëse në Botërorin e Formulës 1 2022. ‘FIA Cost Cap Administration’ ka lëshuar një certifikatë konformiteti për secilën nga 10 skuadrat.
Ishte një proces i thellë, që kishte filluar me një analizë të detajuar të dokumentacionit. Të gjitha skuadrat kanë vepruar me korrektësi dhe kanë ofruar bashkëpunim për çdo fazë të rishikimit të dokumenteve”, - shkruhet në komunikatën zyrtare të FIA-s.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.