Ish-ministri i Punëve të Brendshme, Fatmir Xhafaj, është rikthyer sot në Komisionin Parlamentar të Ligjeve. Në këtë Komision ai ka qenë drejtues prej vitesh përpara se të merrte detyrën e ministrit, por tashmë është një anëtar i thjeshtë.
Kreu aktual i Komisionit të Ligjeve, Ulsi Manja, e priti Xhafajn me këto fjalë: “Mirë se erdhët në komisionin tuaj natyral. Kontributi juaj është i çmuar për të çuar së bashku përpara punën e përbashkët”.
Xhafaj është ulur përkrah sekretares së Komisionit, Klotilda Bushkaj dhe në krah të nënkryetares së Kuvendit, Vasilika Hysi. Vendimi për rikthimin e tij në Komisionin e Ligjeve u mor nga Parlamenti në seancën e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.