Prindërit e ekstremistit grek Konstandinos Kacifas, i cili mbeti i vrarë një vit më parë në Bularat, i kanë dërguar një kërkesë kryeministrit grek, Mitsotaqis për të ushtruar presion diplomatik te pala shqiptare për të zbardhur të vërtetën e vdekjes së djalit të tyre.
Kërkesën e tyre ata i kanë dorëzuar deputetit të "Demokracisë së Re" për zonën e Thesprotisë, Vassilis Yogiakas, i cili mori pjesë në Bularat në ceremoninë e 1-vjetorit të Konstandinos Kacifas.
Jani dhe Vasilia Kacifas theksojnë se djali i tyre nuk ishte një “ekstremist”, edhe pse Kryeministri shqiptar Edi Rama e prezantoi të tillë që nga momenti i parë, duke justifikuar ekzekutimin e tij nga policia shqiptare, ndërsa "reagimi i tij ishte rezultat i indinjatës ndaj shtypjes së praktikuar në të ashtuquajturin Vorio Epir".
Letra përfundon me një thirrje drejtuar kryeministrit grek për të kthyer vëmendjen e tij në vendin e tyre “para se të jetë tepër vonë”, shprehen ata.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.