Gazeta Si – Të fitosh Ligën e Europës për të shkuar në Ligën e Kampionëve. Ky është objektivi për Romën dhe Juventusin, që luajnë sot ndeshjet e para çerekfinale, përkatësisht kundër Fejnordit dhe Sportingut të Lisbonës.
Në orën 18:45, skuadra e Mourinjos riluan në Holandë finalen e vitit të kaluar në Ligën e Konferencës ndaj Fejnordit. Holandezët kërkojnë hakmarrjen për humbjen 1-0 në Tiranë, me gol të Xaniolos. Juventusi pret në ‘Stadium’ portugezët e Sportingut me synimin për ta hipotekuar kualifikimin që sot në mbrëmje, edhe pse nuk do të jetë aspak e lehtë.
Trajneri i Fejnordit, Slot, ka pohuar se nuk e ka harruar humbjen e finales së 25 majit të kaluar, ndaj dhe do të kërkojë ‘hakmarrjen’. Roma pritet të ketë Dibalan në majë të sulmit, të mbështetur nga Uijnaldum dhe Pelegrini.
Pesha e ndeshjeve shtohet gjithmonë e më shumë për Alegrin. Fjalët e tij janë gjithmonë të njëjta me ato para ndeshjeve me Nantën dhe Frajburgun. Me Sportingun do të jetë më e vështirë, mjafton të përmendet fakti se ka eliminuar Arsenalin.
Liga e Europës
Sot, ora 18:45
Fejnord-Roma
Ora 21:00
Bajer Leverkusen-Union SG
Juventus-Sporting Lisbonë
Mançester J-Sevilje
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.