Nga Gazeta 'Si'-Deputeti i Parlamentit Evropian, Reinhard Butikofer, ka dhënë qëndrimin e tij në lidhje me punën disavjeçare të Miroslav Lajçakut si ndërmjetës i Bashkimit Evropian për dialogun Kosovë - Serbi.
Me anë të një postimi në Twitter Butikofer ka thënë se Lajçaku ka qenë një fatkeqësi.
“Lajçaku ka qenë një fatkeqësi e pazbutur në punën e tij të mëparshme”, ka shkruar ai duke folur për raportimet se diplomati sllovak do të marrë pozitë të re pas zgjedhjeve evropiane.
Ai më tej u shpreh se shpreson që të njëjtën gjë nuk do ta bëjë edhe në marrëdhëniet mes Zvicrës dhe BE-së, pasi ai do të jetë ambasador atje.
“Shpresoj që ai nuk do t’i turbullojë edhe marrëdhëniet në mes të Zvicrës dhe Bashkimit Evropian”, vijon shkrimi i tij.
#Lajcak has been an unmitigated desaster in his previous job. Hope he does not mess up relations between Switzerland and EU, too. https://t.co/l4MWijWOMX
— Reinhard Bütikofer (@bueti) April 4, 2024
Në kuadër të rotacionit të madh në postet diplomatike të Bashkimit Evropian nëpër botë, Mirosllav Lajçak, që aktualisht është i dërguari i posaçëm i bllokut për dialogun Kosovë-Serbi, pritet të bëhet ambasador i BE-së në Zvicër.
Ende nuk dihet se kush do ta zëvendësojë Lajçakun në postin e të dërguarit të posaçëm për dialogun për normalizimin e raporteve mes Kosovës dhe Serbisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.